【轮证赢家】S金Call过夜食27%

呢期真系政治市，每日瞓醒都有新消息出现，市场点解读都好，波动性强你都真系预咗；如果无时间Day Trade或怕咗佢啲大上大落嘅话，啲钱揾个地方泊一泊岸先。

停泊嘅地方有好多，揸Cash其实都系一个方法，等过咗呢段不安嘅时间先至再出手嘛。而我就选择咗摆喺 $Gold - main 2506(GCmain)$ ；所以㖊日主力睇 $SPDR Gold Trust(02840)$ ，再拣定只 $UBSPDRG@EC2510A.C(27843)$ ，平均买入价为0.2875元。

拣Call除咗因为佢无牛证(哈哈)之外，都系因为谂住可以停耐少少，甚至过一晚夜，唔止作战室，睇呢篇文嘅有时侯都未必可以跟到个市咁贴，大家都要做嘢架嘛，所以只(27843)一开始已经系谂住揸过夜。

今朝再来加关税(好似开始有少少麻目)，啲金价又嚟料，而依家9点55分，只2840嘅单位价格爆升64元，报2297元，创出52周新高；最高见过2302元。

至于只(27843)依家轮价做紧0.365元，一计之下呢Round过夜有26.96%正数落袋。

今日星期五嚟架，有食好食啦！Happy Friday!

作者阿珊，以技术分析专心玩轮证，唔贪心，努力赚取我家肥猫罐罐。

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。