【轮证赢家】借吉利小时图150线唔过出熊

细个听过一个前辈教落：买一股LV，好过买一个LV。唔知今日系咪变成：买一手Labubu，好过买一只Labubu呢?!

㖊日只 $HUPOMRT@EC2510B.C(15483)$ 平均买入价为0.225元之后，mark住喺五分钟图上见Slow STC(14.3)两条线都上返超买位嘅话就收工。

睇返个五分钟图见大约2点40分见到Slow STC(14.3)两线上返去80以上嘅超买，叮叮叮，(15483)响起收割讯号。

同样以10分钟作为走货时间的话，期内(15483)高低位做过0.25元/0.244元，平均走货价为0.247元，无办法啲轮价以毫子计嘅话都真系会跳得比较慢，但呢一趟平均食9.78%；有正数都算系咁啦；而如果恃住只Call唔会打靶而Hold货过夜嘅话，咁今朝见股价企住180蚊楼上，而(15483)轮价都有见过0.265元，可以执多少少。

今朝起身睇新闻见话传美国对中国关税会大幅度降低；但转个头就有条友出嚟耍手拧头「无呀无呀」，是但啦，No one cares！

今朝指数低开几十点之后又玩灯掣，作战室今朝开出淡仓作为第一注，皆因见到小时图上嘅Slow STC(14.3)都已经上到严重超买位，本身目标系睇住小时图条10线嘅，但到依家10点5分见指数喺2195X点有似筑底，作战室有淡仓嘅都正数先走人。

以呢期指数慢活嘅速度，要等睇佢穿唔穿条小时图10线都有少少蚊瞓。咬返近少少用五分钟图嚟玩嘅话，其实都唔系好得几多，依家10点10分见Slow STC(14.3)两线有超卖触底但系上面仲有三条平均线喺度，行行下仲开始画到「平顶三角形」出嚟。

纯用返技术分析去睇返啲个股嘅话，揾到只好唔好日都好少提嘅 $GEELY AUTO(00175)$ 出嚟，纯綷系见佢小时图上150线唔过，股价向下+Slow STC(14.3)两线触顶向下而有一个好似出到淡仓嘅机会。

$UB#GEELYRP2612C.P(63942)$ ，收回价17元，同现价有约0.96元距离，但呢个价比150线(约16.364元)高，所以可以lock住条150线做上方量度线先。同步依家下方有似10线垫住股价，安全嘅过到10线先至出可以。

甚至换个五分钟图出嚟见依家100线好似有接住，而Slow STC(14.3)两线都到超卖位，稍等一下股价回一回放松返条Slow STC(14.3)之后有无见重新再向下走先至出动。

当然啦，最简单嘅等Slow STC(14.3)超买触顶向下出，即用返平时行Swing嘅玩法一样无问题。

作者阿珊，以技术分析专心玩轮证，唔贪心，努力赚取我家肥猫罐罐。