社区

今朝借咗个小时图出嚟画住个区间，上方为小时图150线，下方则为10/20线，所以都拣定只 $MS#HSI RC2803B.C(67575)$ 同 $CI#HSI RP2709D.P(62956)$ 出嚟，睇下到出文之后再睇到嘅小时图摆位喺边，先至决定出边只。

以今朝Patreon出文时间为10点25分，如常的用10分钟时间去睇文的话，则于10点35分再睇返个走势图，先Mark当时小时图150线为22048点，而 $HSI(HSI)$ 见当时为22094点，指数高于150线以上，(67575)行先。

同以10分钟作为买货时间，期内高低位见过0.051元/0.047元，平均买入价为0.049元。

用返小时图150线作为下方量度线的话，指数喺之后嘅时间都还守得住，但(67575)未见有肉。去到11点5分，新一个小时过后喺小时图上最后都只系得返条上影线喺150线之上，(67575)要败走。

同样地用返10分钟时间去走佬嘅话，期内高低位做过0.047元/0.044元，平均走佬价为0.0455元，呢一趟平均输3.5格或7.14%，都仲顶得住。

唔好忘记只(62956)，我哋Mark住系玩区间架嘛。走只(67575)即指数低于小时图150线，咁(62956)其实系同步响起买入讯号。

一样都系用10分钟作为买货时间的话，期内高低位为0.064元/0.061元，平均买入价为0.0625元。

出淡仓嘅目标就系向下扫返落去小时图嘅10/20线，以当时呢两条线位分别喺21989点/21985点计，喺上半场收前指数同最近嘅10线都仲有10点距离，唔贪心你当然可以食咗先啦。

要舔埋嗰10点次尽力补返上半场只(67575)嘅损失的话，喺下半场返嚟时一样都系Mark咗小时间10/20线，分别为21986点/21989点。咁反方向用返小时图150作上方量度线系有啲远嘅，咬紧同近少少用返五分钟图嘅保历加中轴可以，反正五分钟图上嘅指数都有见处于保历加下降通道向下运行。

下半场开市返嚟有见过指数上中轴，不过最后都只留低上影线喺度。而依家1点35分，恒指见倒跌39点，做21932点，摆位已经完全低过小时图嘅10/20线，而只(62956)证价依家见做紧0.076，乜仇都报晒仲反胜啦！

作者阿珊，以技术分析专心玩轮证，唔贪心，努力赚取我家肥猫罐罐。