社区

㖊日拣咗牛熊各一出嚟借小时图150线同10/20线之间玩上落。喺出文后出好仓但迟咗所以败走后反手淡仓落场有惊喜，皆因指数喺下半场连小时图嘅10/20线都穿埋，只淡仓反Cup好仓嘅切损之余仲有正数落袋，喺假期前夕无乜成交之下都仲力保不失，感恩。

今早如常的开市口价未见有好大异动，而 $HSI(HSI)$ 仍然企于22000点呢个位定住。依家9点36分，指数暂时未见方向，仲开始多手「玩灯掣」。

无几耐见指数开如出到方向，五分钟图上见「大阴烛」向下落，小时图嘅10/20线再次失守，作战室淡仓攻过去，而大家都好识得见好就收。

咁嘅市好难同佢玩得耐，即使出动到小时图，依家10点17分都只系见指数摆位低于10/20线，Slow STC(14.3)两线仍见向下，换保历加通道亦见指数现水平同底线唔系差好远，麻烦嘅系底线未见向下。

呢啲位出淡仓再追落唔系唔得，当顺小时图嘅Slow STC(14.3)两线向住超卖方向走咁解，同步上方借住最近嘅10线位，Mark埋指数于保历加通道向下运行，咁样就同平时Swing Trade嘅玩法一样。

要留意嘅系明日假期，港股放一日但A股放足五日，五一黄金周嘛，长假期前夕例闷唔系Day One嘅事，可能你请咗星期五(5月2日)一日假期嚟自制多一个五日长假，节日气氛咁浓厚之下，一系快爬格仔，一系Plan定行程啦！

作者阿珊，以技术分析专心玩轮证，唔贪心，努力赚取我家肥猫罐罐。